أغلبنا يحلم بالفلوس وانه يكون عنده مشروعه الخاص اللي يكون فيه نفسه ويحقق أهدافه. الأفكار كثيرة عند الشباب وكلها مرتبطة بمشاكل قائمة

ويبحثون عن حلول لها من خلال مشاريعهم أو شركاتهم اللي يحلمون فيها. إذا سألت أي شاب وش حلمك أو مشروعك القادم جوابه الأول: أبي مشروع

يطلع لي فلوس, أتعب عليه في البداية وبعد فتره بسيطة يصير يشتغل بنفسه بس للأسف ما عندي رأس مال يغطي لي في البداية وأبي فلوس من مستثمر

أو دعم حكومي!

الواقع أن كثير من هالمشاريع ما تحتاج دعم مالي. عشان تبدأ مشروعك بدون أي إستثمار إلا وقتك وقدراتك ركزنا على ٣ محاور أساسية:

١) تأخير ” البداية الحقيقة للعمل” مثل المكتب وايجار مساحة للمعرض وغيرها الى ان يبدأ مشروعك بجني الاموال وهذا يسمى

ب bootstrapping أو مصطلح لبس الحذاء. تقدر تشتغل بالبيت في البداية وهذا موب عيب ولا يضر بسمعة شركتك لأن التكلفة الي بتدفعها

في الإيجار ممكن توفرها لدفع شيء أخر.

.

٢) أن تقوم بعمل كل شيء بنفسك وتقضي كامل وقتك الشخصي لخدمة مشروعك بدل من توظيف موظف أو خبير. هذه الإستراتجية تأخذ وقت أطول

في تقدم نشاط شركتك ولكن التكلفة تقل بشكل رهيب ، ماتحتاجه فعليا هو انك تلبس قبعة الموظفين بأشكال مختلفة مرة سكرتير ومرة مدير عام ومرة

مسوق للمنتج ومرة معقب! وهذا مب غلط أبدا ويساعدك تتعلم وتعتمد فيه على معايير القبول إذا جيت توظف أحد بالمستقبل.

.

٣) إستخدم بعض الحركات البسيطة الي تساعد في تقليل مصاريفك وتوفير الكثير من فلوسك وهي كالتالي:

.

– القضاء على المصروفات وإبدأ بالأشياء السهله: قابل عملائك في الكوفي شوب وفي حال اضطريت انك تقابل عميل مهم وخفت يستصغر شغلك

أو شركتك ، اعزمه في مطعم على الغداء والا عشاء واعتبره تحت مصطلح ” غداء عمل”.

.

– حاول تبحث في الإنترنت على مجموعة من الملفات الخاصة بالأمور القانونية وحاول تعدلها بما يتناسب مع ظروفك وبإستشارة من المرشد المجاني.

.

– إبدأ بمؤسسة فردية ولا تشغل نفسك بالشراكة حتى بتبدأ تجني أرباح ، كثير من الناس يتعب نفسه في موضوع الشراكة وفعليا المشروع ما بدأ

ولا يصنف كمشروع ناجح.

.

– تعلم كيف تقوم بالأمور المحاسبية بنفسك من خلال ملف اكسيل بدل دفع مبالغ معينة للمحاسب وخاصة في أول ٦ شهور الى سنة.

.

– احرص على ورش العمل لدورات الإختصاص لغير المختصين (مثل دورة مبادئ المالية لغير الماليين) كثير من المعلومات التي تقدم فيها معلومات

قيمة تفيدك في مشروعك وتوفر عليك فلوسك في المستقبل

.

–  تستطع بناء موقعك الخاص مجاناً على صفحة  وورد برس أو تمبلر ، إذا كان صعب إنك تسوي موقعك يكون موقعك الخاص من البداية لكنه

بيوفر عليك تكلفة بناء موقع خاص بك من البداية.

.

– إذا ما كنت تحتاج مصمم جرافيك إلا عشان يسوي لك شعار خاص بشركتك،  فيه مواقع تأمن لك شعارات تستطيع استخدامها على الاقل في

البداية مثل موقع مثلLogoYes

.

– القراءة في عالم البزنس تضيف لك الكثير، تروح آلاف الريالات في ورش العمل والدورات، وفر فلوسك وتابع عدد من المدونات المختصة في

مجال Entrepreneurship الي باللغة العربية وترجمة الإنجليزي منها.

.

الشبكات الاجتماعية وسيلة مميزة للتواصل ولكن في نفس الوقت وسلية مميزة لتسويق شركتك القادمة ، استخدم موقع Buffer  وابني عليها الخطة

التسويقية الخاصة  فيك من خلال الشبكات الاجتماعية ، تعرف على وش يحبون وكيف انك تستهدف بشكل افضل ، مدونة تركي فهد ابدعت في

شرح هالآلية.

.

في النهاية مازلت أردد جملة أعشقها وأعتقد انها تلخص بداية أي شركة صغيرة  “بدون خسائر”منتج يعمل بموارد محدودة أفضل بمليون مرة من

أحلام مشاريع في درج مكتبك.